Цæгат Ирыстоны 3 мæймæ рабæрæг кодтой 13 мæнг æхцайы купюрæйы

Цæгат Ирыстоны 3 мæймæ рабæрæг кодтой Уæрæсейы Банкы æхцайы 13 мæнг купюрæйы. Æдæппæтæй сæ бæрц — 58 мин сомы. Се 'хсæн арæхдæр æмбæлыдысты 5 мин сомы аргъæн купюрæтæ. Ахæмтæ дзы уыд 11. Иугай та — 1000 æмæ 2000 сомы аргъæн. Национ банкы республикон хайады фæнысан кодтой, мæнг æхцаты парахат уæлдай тæссагдæр кæй у, сæрмагонд бæлвырдгæнæн гæрзтæ кæм нæй, ахæм базарадон бынæтты. Купюрæ бæрæггонд цæуы æртæ æнæмæнг хъахъхъæнæн нысанмæ гæсгæ. Уый тыххæй спайда кæнæн ис мобилон уæлæфтуанæй «Банкноты Банка России», зæгъгæ. Бæлвырддæр информаци ма базонæн ис Уæрæсейы Банкы сайты дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv