33 мины социалон фиддонтæ бафыста Пенсион фонд кусгæ чи нæ кæны, уыцы пенсиисджытæн

33 мин сомæй фылдæр социалон фиддонтæ бафыста Цæгат Ирыстоны пенсион фонд кусгæ чи нæ кæны, уыцы пенсиисджытæн. Уый сын бантыст федералон уæлæмахсæн фыддонты бæрц ногæй куы банымадтой, уæд. Ахæм домæн разынд федералон закъонмæ гæсгæ. Афтæмæй сæ фæфылдæр кодтой. Пенсион фонды хайады куыд зæгъынц, афтæмæй закъон йæ тыхы бацыд ацы аз 1 январæй фæсæмæ цы социалон фиддонтæ снысан кодтой, уыдоныл. Уый тыххæй æмæ майы мæй пенситæ бафыстой - январы, февралы, мартъийы æмæ апрелы фиддонтимæ. Июнæй та сын скодтой индексаци. Уæ зæрдыл ма уын æрлæууын кæндзыстæм, федералон социалон фиддон исынц кусгæ чи нæ кæны, уыцы пенсиисджытæ. Сæ æфтиæгтæ, регионы фæцæрынæн æппыткъаддæры бæрцмæ кæмæн не хизынц, уыдон. Цæгат Ирыстоны 2019 азы йæ бæрц у 8 мины æмæ 455 сомы. Уæдмæ ма цы индексацитæ арæзтой, уый кæд пенситы бæрцыл æфтыдта, уæд социалон фиддонты нымæц та иу ныкъаддæр кодта. Ныр, цæмæй афтæ ма уа, уый тыххæй сфидар кодтой ног фæтк. Пенсиисджыты æфтиæгтæ уал, социалон фиддонтæй фæцæрыны æппынкъаддæры бæрцмæ схизын кæнынц, стæй йæм æфтауынц индексацийы бæрæггæнæтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv