Ахсджиаг фарстатæ

«Уæрæсейаг бинонтæн - хæдзæрттæ» дæттыны федералон программæ Цæгат Ирыстоны æххæст кæндзысты 2020 азмæ. Уый тыххæй абон фехъусын кодтой хицауады æмбырды.  Арæзтад æмæ архитектурæйы министтры хæдивæг Бызыккаты Батразы ныхæстæм гæсгæ, программæйы архайджытæ фæфылдæр сты. Царды уавæртæ фæхуыздæр кæндзысты Пенсион фонды кусджытæн, социалон медицинон фæдзæхстады кусджытæн, стæй паддзахадон æмæ муниципалон оргæнты кусджытæн. Домæнтæм гæсгæ, паддзахадон æххуыс хæдзары аргъæй 10% къаддæр нæ уыдзæн. Ацы аз фæнд кæнынц 7 000 кв метры самайын. Уыцы куыстытæн республикæйы бюджетæй субсидитæ радих кодтой 15 милаун сомы. Æмбырды иннæ фарста - инвестицион проекттæ цавæр регионты æххæст цаудзысты, уый. Иннæ азмæ сæ сæххæст кæнынæн радих кæндзысты 815 милуан сомы. Уый тыххæй та фехъусын кодта экономикæйы рæзты министр Томайты Хъазыбег. Программæмæ гæсгæ 5 къабазы бакусдзысты 82 объектыл. Сæ фылдæр сты, раздæр кæй арæзтой уыцы объекттæ. Тускъаты Таймуразы ныхæстæм гæсгæ, дыууæ азы дæргъы нæ республикæ архайдта бирæ паддзахадон программæты. Уыдоны фæлгæты æрмæст фарон сарæзтой, стæй сцалцæг кодтой 50 объекты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv