Сергей Меняйло амыдта республикæйы æнæзакъонæй промышленнон продукци уæй кæныны ныхмæ къамисы æмбырд
Сергей Меняйло амыдта республикæйы æнæзакъонæй промышленнон продукци уæй кæныны ныхмæ къамисы æмбырд. Уæрæсейы фæлхасгæнджытæм цæстдарды республикон управленийы разамонæджы хæдивæг Къаболаты Заремæ радзырдта, социалон кусæндæттæм цы продукттæ ласт цæуынц, уыдоны мониторингы тыххæй. Республикæйы 13 социалон объекты специалисттæ систой хызæгтæ микробиологон, физикон-химион, паразитологон æмæ æндæр бæрæггæнæнтæм гæсгæ. Æхсыры продукцийы 3 хызæджы ссардтой зайæгойты сойтæ. Уагхæлдтытæ аиуварс кодтой, уыцы æртæ хызæджы тыххæй инфомаци та бахастой сæрмагонд модульмæ. Æрныхас ма кодтой фæлмæн нозт æнæмæнг маркировкæ кæныныл. Абон республикæйы 17 ахæм куыстуатæй 10 ныридæгæн сæ продукцийыл нысæнттæ æвæры. Иннæ организацитимæ дæр уыцы фарстайыл куыст цæуы. Регионы разамонæг бабар кодта экономикон рæзты министрадæн, цæмæй барадхъахъхъæнæн органтимæ æркæсой фæсаууонмæ продукци уæйгонд цæуы, æви нæ, уымæ.
Сергей Меняйло амыдта республикæйы æнæзакъонæй промышленнон продукци уæй кæныны ныхмæ къамисы æмбырд. Уæрæсейы фæлхасгæнджытæм цæстдарды республикон управленийы разамонæджы хæдивæг Къаболаты Заремæ радзырдта, социалон кусæндæттæм цы продукттæ ласт цæуынц, уыдоны мониторингы тыххæй. Республикæйы 13 социалон объекты специалисттæ систой хызæгтæ микробиологон, физикон-химион, паразитологон æмæ æндæр бæрæггæнæнтæм гæсгæ. Æхсыры продукцийы 3 хызæджы ссардтой зайæгойты сойтæ. Уагхæлдтытæ аиуварс кодтой, уыцы æртæ хызæджы тыххæй инфомаци та бахастой сæрмагонд модульмæ. Æрныхас ма кодтой фæлмæн нозт æнæмæнг маркировкæ кæныныл. Абон республикæйы 17 ахæм куыстуатæй 10 ныридæгæн сæ продукцийыл нысæнттæ æвæры. Иннæ организацитимæ дæр уыцы фарстайыл куыст цæуы. Регионы разамонæг бабар кодта экономикон рæзты министрадæн, цæмæй барадхъахъхъæнæн органтимæ æркæсой фæсаууонмæ продукци уæйгонд цæуы, æви нæ, уымæ.