Инфляцийы рæзт Цæгат Кавказы фæкъаддæр

Инфляцийы рæзт Цæгат Кавказы фæкъаддæр. Бæлвырддæр дзургæйæ та 4,4% онг июлы, кæд æмæ июны уыд 4,5%. Уыимæ уыцы бæрæггæнæн у æппæтуæрæсеон нымæцæй иу дæсæм хайæ къаддæр - 4,6%. Инфляцийы цыд фæкъаддæр, дзидзайы продукци тæрхæджытыл парахатæй кæй фæзынд, уый руаджы. Уыимæ халсарты бæрц дæр фæфылдæр нæ базарты. Инфляцийы рæзтыл ма тынг сахадыдта уый, æмæ коммуналон лæггæдтыл цы хардз кæнæм, уыдоныл, фаронимæ абаргæйæ, къаддæр бафтыд. Хойрæгтимæ баст инфляци июлы фæкъаддæр 5,4% -æй 5,6%-ы онг. Сæйраг аххосаг уый мидæг ис, æмæ картоф, уырыдзы, цæхæра æмæ хъæдындз базарты тæрхæджытыл фæфылдæр сты, уыимæ. Маргъ æмæ лыстæг фосы аргъыл дæр не ‘фты, æмæ сæ чи дары сæ чи , уыцы амалхъом адæмы куыст дæр фæрæвдздæр. Æнæхойрæгтимæ баст инфляци фæстаг дыууæ мæйы равдыста иухуызон бæрæггæнæн 2,3%. Æгас уæрæсейы та уыцы бæрæггæнæн у 3,6%. Сом кæй фæфидардæр æмæ инфляцийы рæзт кæй фæкъаддæр, уый руаджы арæзтадон кусæнгæрзтæ, чырæ телефонтæ, телевизортæ æмæ рог хæдтулгæты аргъ иуæй-иу дуканиты дæлæмæ `рхауд. Цæрæнуæтты-коммуналон лæггæдты фиддонтыл дæр фæстаг рæстæг бирæ нæ бафтыд. Цæгат Кавказы та июлы, раздæры мæимæ абаргæйæ, иу дæсæм хай фæкъаддæр, ома, 5,6% æй 5,5% онг. Ахæм уавæр фыдлæр баст у, июлы коммуналон фиддонты инфляци афтæ тынг кæй нæ фæбæрæг, фаронимæ абаргæйæ, уыимæ. Зæгъын хъæуы уый, æмæ коммуналон тарифтыл ацы аз бафтыд дыууæ хатты, январы æмæ июлы. Фæсарæнты туризмы аргътæ дæр фæфидардæр сты æмæ нал рæзынц. Уый дзуры ууыл, æмæ фидардæр кæны сом. Инфляцийæн йæ рохтыл æрхæцыдысты Цæгат Кавказы фылдæр регионты. Æппæты къаддæр бæрæггæнæн æвдисы Мæхъæлы республикæ (3%), уый фыццаджыдæр баст у хъæууон хæдзарады райрæзтимæ. Уæрæсейы Банчы хъуыдымæ гæсгæ 2020 азмæ афæдзы инфляци Уæрæсейы хъуамæ 4% фылдæр ма уа. Уымæн ныртæккæ аразынц сæрмагонд мадзæлттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv