Цæгат Ирыстоны арæзтад æмæ архитектурæйы министрад сæрмагонд программæйæн хатдзæгтæ скодта

Цæгат Ирыстоны арæзтад æмæ архитектурæйы министрад хатдзæгтæ скодта цæрæн хæдзæртты нымæц фылдæр кæныны программæйæн. Сфæлхат кодтой фæстаг 6 азы бæрæггæнæтæ. Цы дзы рауад, уын уын мæнæ нæ интерактивон къулыл æвдисæм. Кæй зæгъын æй хъæуы, официалон бæрæггæнæнтæм гæсгæ, цæрæн хæдзæртты нымæц зынгæ фæфылдæр. Афтæмæй, 2014 азы – экплуатацийы радтой 170 мин квадратон метрæй фылдæр. 2019 азы та 228 мин кв. метры. 6 азмæ бæрæггæннæн 58 мины фæфылдæр. «Жилье æмæ городская среда» национ проектмæ гæсгæ, ивгъуыд аз Цæгат Ирыстоны пълан кодтой  цæрæн хæдзæртты 214 мин кв метры саразын. Фæлæ, нысангонд пъланæй фыргуыст фесты – 15 мин кв. метрæй фылдæр рацарæзтой. 2019 азы æдæппæттæй фæзынд цæрæнуæтты 228 мин æмæ 998 квадратон метры. Уæдæ ацы аз дæр арæзтад рæзы. Фаронимæ абаргæйæ, фæфылдæр 7,2%. Æдæппæттæй 30 мин æмæ 156 квадратон метры, цæрыны уавæры онг бацæттæ кодтой хи хæдзæртты 4 мин æмæ 144 квадратон метры бæрц. 2020 азы фæнд кæнынц эксплуатацимæ раттын цæрæнуæтты 238 мин квадратон метры. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv