Уæрæсейы хицауад радих кæндзæн фæрæзтæ æнæниздзинадхъахъхъæнынады къабазы наукон иртæстытæн
Æнæниздзинадхъахъхъæнынады къабазы наукон иртæстытæн хицауад радих кæндзæн фæрæзтæ. Проект «Медицинон наукæ адæймагæн»-ы фæлгæты уыцы нысæнттыл схардз кæндзысты 500 милуан сомы. Уыдонæй саразынмæ хъавынц ног медицинон кусæнгарз, чырæгонд технологиты фæрцы конд хостæ стæй клиникон иртæстытæ. Уыцы куыстытæ саразынмæ хъавынц Мæскуыйы паддзахадон университет, наукæ æмæ ахуырады министрады стæй федералон медикон-биологон агентады бæрны цы уагдæттæ ис, уым. Æппæт ацы мадзæлтты фæрцы медицинон æххуысы хæрзхъæддзинад фæхуыздæр уыдзæн.