РЦИ-Аланийы промышленность æмæ транспорты министрады аразынц инвестицион проектты æркаст

Нæ республикæйы промышленность æмæ транспорты министрады расидтысты инвестпроектты конкурс. Хуыздæр проект райсдзæн паддзахадон æххуыс. Конкурсы сæйраг хæс у промышленносты къабаз сырæзын кæнынмæ, кæнæ та цы проекттæ ныридæгæн кусынц, уыдоны райрæзтыл бакусын. Конкурсмæ хауы транспорты къабаз дæр. Курдиæттæ чи балæвæрдта, уыдоны проекттæн æнæмæнг хъуамæ уа экономикон-бюджетон бындур, социалон ахадындзинад. Стæй ма се руаджы хъуамæ куысты ног бынæттæ дæр арæзт цæуой. Уымæй уæлдай проекты иумæйаг инвестициты бæрц 20 милуан сомæй къаддæр хъуамæ ма уа. «Рæзынæн ис алыхуызон фадæттæ. Се хсæн промышленносты райрæзты фонд, цæгат кавказы хъуыддæгты фæдыл министрад, цæгат кавказы райрæзты корпораци. Ома, рæзынæн алыхуызон фадæттæ. Уыдон мах аразæм, цæмæй проект нæ республикæйы арæзт æрцæуа. Стæй ма ныр расидтыстæм æркаст. Мæйы дæргъы æвзардзыстæм хуыздæр проекттæ. Конкурс куы фæуа уæддæр цмыдисаг проект чи æрбахаста, уыдонæн дæ сæ хъуыдытæ сæххæст кæнынæн æххуыс кæндзыстæм. Уымæй адæмы разæнгард кæнæм æмæ афтæ ссарæм цымыдисаг проекттæ. Ацы куыст кæнæм æппынæдзух», - РЦИ-Аланийы промышленностьæмæ транспорты министр Хайдарбек Бутов. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv