Цæгат Ирыстоны байгом бæлвырд наукæты сæрдыгон скъола
Скъоладзаутæм алыхуызон уавæрты хъуыдыкæнынад куыд ис рæзын кæнын. Уæлдай дæр та, ныхас математикæ æмæ информатикæйыл куы цæуа, уæд? Ацы фарст абон у ахсджиаг. Дзуапп раттын ын сæ бон баци Уæрæсейы наукæты академийы дзæуджыхъæуккаг центры специалисттæн. Абон улæфæндон "Барс"-ы бындурыл байгом сæрдыгон скъола. Йæ архайджытæ фæндзæмæй дæсæм къласы онг ахуыргæнинæгтæ. Сæ программæмæ хауынц лекцитæ æмæ практикон ахуыртæ. Ахæсдзысты 10 боны. Суанг ма ацæудзæн олимпиадæ æмæ интеллектуалон хъазт дæр. Математикæ æмæ информатикæйæ сæ къухы бафтыд регионалон, æппæтуæрæсеон æмæ æппæтдунеон æмвæзадыл æнтыстытæ. Ардæм æрбамбырд сты хуыздæрты хуыздæртæ. Алы скъоладзау дæр равзары, йæ зæрдæмæ тынгдæр цавæр здæхт цæуы, ахæм. Математиктæ уал боны фыццаг хай, сæрмагонд конспектты æххуысæй, базонгæ вæййынц теориимæ. Фидæны программисттæ та кусынц тематикон контексттимæ, пайда кæнынц хæдархайгæ системæйæ. "Мæ зонындзинæдтæ фæфылдæр кæнын мæ тынг фæнды ацы къабазы. Уымæн æмæ фидæны мæ цард фæнд кæнын информацион технологитимæ сбæттын. Уый фæдыл мæ райрæзтыл кусын. Стæй мæ рæстæг дæр æхсызгонæй æрвитын". Лекцитæ, семинартæ æмæ практикон ахуырты 10 боны: олимпиадæтæ, хынцинæгты æвзæрст æмæ ерыстæ. Архайд цæуы, йæ дæсныйады бæрзонд къæпхæнмæ чи схызт, ахæм адæймæгтимæ: Уæрæсейы наукæты академийы дзæуджыхъæуккаг наукон центры зонадон разамонæг Къусраты Анатолий, æнæсцух математикон ахуырады центры директор Вера Абатурова æмæ æндæртæ. Уыдон, фæсивæдæн математикæ куыд ис бауарзын кæнæн, уый хорз зонынц. Специалистты ныхæстæм гæсгæ, бæлвырд наукæтæ Цæгат Ирыстоны сабыргай парахат кæнынц. Ацы здæхты республикæ разæнгардæй архайы: дæсныйадæвдисæн ахуыртæ, олимпиадæтæ, проектты цæттæкæнынад. Хистæрты фидарæй уырны, фæсивæдмæ фидæны стыр æнтыстытæ кæй кæсы, уый. Сæрдыгон скъола фыццаг хатт байгом 2005 азы, Тæмисчъы санаторийы. Ныр дæр, 18 азы фæстæ, сывæллæтты ног æмæ ног цымыдис кæны. Ахуырдзауты сæхимæ æлвасынц иртасæн куысттытæ, технологитæ, бæлвырд наукæтæ. Ахуыртæ райдыдтой абон æмæ ахæсдзысты 10 боны.
Скъоладзаутæм алыхуызон уавæрты хъуыдыкæнынад куыд ис рæзын кæнын. Уæлдай дæр та, ныхас математикæ æмæ информатикæйыл куы цæуа, уæд? Ацы фарст абон у ахсджиаг. Дзуапп раттын ын сæ бон баци Уæрæсейы наукæты академийы дзæуджыхъæуккаг центры специалисттæн. Абон улæфæндон "Барс"-ы бындурыл байгом сæрдыгон скъола. Йæ архайджытæ фæндзæмæй дæсæм къласы онг ахуыргæнинæгтæ. Сæ программæмæ хауынц лекцитæ æмæ практикон ахуыртæ. Ахæсдзысты 10 боны. Суанг ма ацæудзæн олимпиадæ æмæ интеллектуалон хъазт дæр. Математикæ æмæ информатикæйæ сæ къухы бафтыд регионалон, æппæтуæрæсеон æмæ æппæтдунеон æмвæзадыл æнтыстытæ. Ардæм æрбамбырд сты хуыздæрты хуыздæртæ. Алы скъоладзау дæр равзары, йæ зæрдæмæ тынгдæр цавæр здæхт цæуы, ахæм. Математиктæ уал боны фыццаг хай, сæрмагонд конспектты æххуысæй, базонгæ вæййынц теориимæ. Фидæны программисттæ та кусынц тематикон контексттимæ, пайда кæнынц хæдархайгæ системæйæ. "Мæ зонындзинæдтæ фæфылдæр кæнын мæ тынг фæнды ацы къабазы. Уымæн æмæ фидæны мæ цард фæнд кæнын информацион технологитимæ сбæттын. Уый фæдыл мæ райрæзтыл кусын. Стæй мæ рæстæг дæр æхсызгонæй æрвитын". Лекцитæ, семинартæ æмæ практикон ахуырты 10 боны: олимпиадæтæ, хынцинæгты æвзæрст æмæ ерыстæ. Архайд цæуы, йæ дæсныйады бæрзонд къæпхæнмæ чи схызт, ахæм адæймæгтимæ: Уæрæсейы наукæты академийы дзæуджыхъæуккаг наукон центры зонадон разамонæг Къусраты Анатолий, æнæсцух математикон ахуырады центры директор Вера Абатурова æмæ æндæртæ. Уыдон, фæсивæдæн математикæ куыд ис бауарзын кæнæн, уый хорз зонынц. Специалистты ныхæстæм гæсгæ, бæлвырд наукæтæ Цæгат Ирыстоны сабыргай парахат кæнынц. Ацы здæхты республикæ разæнгардæй архайы: дæсныйадæвдисæн ахуыртæ, олимпиадæтæ, проектты цæттæкæнынад. Хистæрты фидарæй уырны, фæсивæдмæ фидæны стыр æнтыстытæ кæй кæсы, уый. Сæрдыгон скъола фыццаг хатт байгом 2005 азы, Тæмисчъы санаторийы. Ныр дæр, 18 азы фæстæ, сывæллæтты ног æмæ ног цымыдис кæны. Ахуырдзауты сæхимæ æлвасынц иртасæн куысттытæ, технологитæ, бæлвырд наукæтæ. Ахуыртæ райдыдтой абон æмæ ахæсдзысты 10 боны.