Чемпионимæ фембæлд

Гасситы Мурат фембæлд йæ фарсхæцджытимæ. «Металлургты» культурæйы галуанмæ къух бакæнæн нал уыд. Бирæтæ æрбацыдысты рагагъоммæ, бынæттæ бацахсынмæ. Чемпионæн ахсджиаг фарста раттыны адæргæйæ адæм рады ралæууыдысты. Се ппæт фарстатæн дæр Мурат æхсызгонæй дзуапп лæвæрдта. Уæлдай цымыдисæй спортсменмæ хъуыстой сывæллæттæ. Сабитæ уавæрæй дæр спайда кодтой æмæ æнæ автограф сæхи нæ ныууагътой. Пресс-конференцийы чемпион раргом кодта боксы сусæгдзинæдтæ, æмæ ахæм æнтытдзинад йæ къухы куыд бафтыд уый. Сарæзта сабитæн дæсныйад æвдисæг чысыл ахуыртæ дæр. Конференцийы фæстæ Мураты адæм нал уагътой, ныггуылф æм кодтой. Се ппæты дæр фæндыд уарзон спортсменимæ къам сисын. Чемпионы ныхæстæм гæсгæ абон хъуамæ атæха Америкæмæ. Уым райдайдзысты тренировкæтæ æмæ йæхи цæттæ кæндзæн Александр Усикимæ фембæлдмæ. Уæ зæрдыл уын æрлæууын кæндзыстæм, фембæлд ацæудзæн майы мæй, гæнæн ис æмæ уа Уæрæсейы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv