Арты цæхæртæ

Сфæлдыстадон лаборатори «Портал»-ы архайджытæ та ногæй та сæ фæндаг акодтой Туркмæ. Аст лæппуйы Дзæуджыхъæуæй абон изæры аст сахатыл араст сты сыхаг паддзахадмæ. Къорды архайджытæ куыд зæгъынц, афтæмæй сæ балцы кæронбæттæн пункт у ирон хъæу Пойразлы.  Уым «Портал»-ы архайджытæ фæнд кæнынц хъæдæрмæгæй стыр скульптурæ саразын æмæ йæ уыйфæстæ басудзын. Арты цур та хъæуы цæрджыты æрæмбырд кæнын. Сæ ныхæстæм гæсгæ, ахæм мадзалы арф хъуыды ис. Уый та уымæн, æмæ зымæджы йæ цæрджытæ горæттæм кæй араст вæййынц. Афтæмæй ацы чысыл ирон хъæу сæдзæрæг вæййы. Ныртæккæ дзы цы ирæттæ цæрынц, уыдон дæр æгуыстæй нæ бадынц. Авторты хъуыдымæ гæсгæ проект адæмы æнгомдæр кæны, фидардæр бæтты ирон адæмы, æмæ сæ сæ мадæлон æвзаг рох кæнын нæ уадзы. «Портал»-ы минæвæрттæн ацы фæндаг у дыккаг. Сæрды дæр уыдысты Турчы. Уæд сæ балц тынг пайдайаг рауад. Ныр дæр цæуынц æхсызгон æнкъарæнтимæ. Æппæты тынгдæр не `мзæххонты дисы бафтыдта, Турчы цæрæг Кавказы адæмыхæттыты минæвæртты `хсæн хæлар æмæ фидар бастдзинæдтæ кæй ис, уый. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv