1923-æм азы 14-æм мартъийы рацыд гацет «Рæстдзинад»-ы фыццаг номыр

Балет, библи, уыимæ цардæй ист нывтæ. Нывгæнæг йæ кæттагыл цы. Ирон газет зæрдиагæй чи уарзы, уыдонæн - бæрæгбон. Газет «Рæстдзинад»-ыл абон æххæст кæны 99 азы. Æрвылбон нын нæ зæрдæтæ хорз хабæрттæй цы коллектив рæвдауы, уый нымад цæуы «национ хæзнайыл». Нæ ферох кодта, газеты йæ фыццаг къахдзæфтæ кæимæ кодта, ирон журналистикæ сног кæныныл чи бацархайдта, рауагъдады рæзтмæ стыр æвæрæн чи бахаста, уыдоны дæр. Газет хорзæхджынгонд у Кады нысанæй, ссис Хетæгкаты Къостайы номыл паддзахадон премийы лауреат. Бæлвырддæр хабæрттæ газет «Рæстдзинад»-ы тыххæй радзурдзæн нæ уацхæсджыты къорд. Газеты алы хъуыдыйад æмæ рæнхъ дæр Хозиты Барис йе 'нгуылдзты уырзтæй хицæнæй взары. Йе 'ддаг бакаст, ас, сæйраг апп, суанг ма йæ эпигрæфты тыххæй дзуры мидбылхудгæ. Æндæр бон газеты фыццаг номыр цæст къухмæ райсын дæр нæ фæуарзы. Æдзух вæййы æфснайд, уæлдай хатт æм ничи æвналы. Газет фыццаг рухс федта Гæдиаты Цомахъ æмæ Ирыстоны ссæдзæм æнусты интеллегенцийы минæвæртты руаджы. Уыдон 99 азы размæ сæхимæ райстой бæрнон хæс. Фæсреволюци, Фыдыбæстæйы Стыр хæст æмæ æндæр ахсджиагдæр историон цауты рæстæг мыхуыры куыст иу уысм дæр нæ баурæдта. Цæрджытæм кæддæриддæр, афойнадыл истой тæккæ ахсджиагдæр хъусынгæнинæгтæ. Цыппарххайон гаезт цымыдис æмæ уарзон канд Ирыстоны нæ уыд, фæлæ ма дард фæсарæньы дæр. 99 азмæ газеты редакци раивта къорд зынгдонд, курдиатджын редактортæ, уацхæсджытæ æмæ фысджытæ. Фæлæ, уæдæй абонмæ æнæивдæй баззадысты газеты хуыз, йæ сæраг мидис, æмæ, сæйрагдæр та — нæ сивта газет кæсæгмæ уарзондзинад. Æрвылбон ам «Рæстдзина»-ы редакцийы хъазуатæй архайынц курдиатджын сфæлдыстадон къорд. Адæмон сфæлдыстад, æрыгон æмæ фæлтæрдджын фысджыты æрмæг. Æмæ, кæй зæгъын æй хъæуы, алы къабазты хъусынгæнинæгтæ. Æмæ кæд абон интернеты тыгъдад мыхуыры разай цæуы, уæддæр «Рæстдзинад»-æн ис йæхи æнувыд, йæ зæрдæ йыл чи нæ сивта, ахæм адæм. Фæлæ, уый хæдразмæ газеты алы къæпхæныл дæр цæуы бæстон куыст. Æнусон юбилеймæ газетæн баззад иу аз. Æнусмæ æввахс къуыри 5 боны постхæссæг, æвæццæгæн, алы ирон хæдзары кулдуарыл æрæвæры уарзон газет. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv