Цæгат Ирыстоны скъолаты райдыдта æппæтуæрæсеон олимпиадæ

Цæгат Ирыстоны скъолаты райдыдта æппæтуæрæсеон олимпиадæйы рæстæг. Уый тыххæй хъусын кæнынц республикæйы ахуырад æмæ наукæйы министрадæй. Олимпиадæ арæзт уыдзæн цыппар хайæ: скъолайы, муниципалон, регионалон, æмæ кæронбæттæны къæпхæнтæй. Сæ зонындзинæдтæ скъоладзаутæ сбæрæг кæндзысты 21 предметæй. Кæстæр кълæсты ахуыргæнинæгтæ архайдзысты æрмæстдæр съолайы цы олимпиадæ уа, уым, уырыссаг æвзагæй æмæ математикæйæ. Муниципалон хай райдайдзæн 11 ноябры уырыссаг æвзагæй. Фæуыдзæн 28 ноябры - уæд скъоладзаутæ сæхи фæлвардзысты астрономийæ. Скъолайы æмæ муниципалон олимпиадæтæн сæ хæслæвæрдтæ снысан кодтой Регионалон методикон къамисы уæнгтæ. Профилон министрады куыд фæбæрæг кодтой, афтæмæй ахуыргæнæндæтты разамонджытæн хъæуы цæттæгæнæн мадзæлттæ сæххæт кæнын. Скълодзауты æппæтуæрæсеон олимпиадæ Цæгат Ирыстоны цæуы цыппар къæпхæнæй. Фыццаг ацæуы скъолаты, дыккаг муниципалон, регионалон æмæ кæронбæттæн къæпхæн. Фыццаг фæлварæн цæуы 7-æй 24 октябрмæ, муниципалон 11-æй 28-æм ноябры онг. 5-æй 11-æм къласты ахуырдзаутæ сæ зонындзинæдтæ фæлвардзысты 21 предметæй. Уыимæ 4-æм къласты ахуырдзутæ дæр сæ тыхтæ бавзардзысты математикæ æмæ уырыссаг æвзагæй. Кæронбæттæн къæпхæны уæлахиздзаутæ спайда кæндзысты льготæтæй профилон уæлдæр ахуыргæнæдæттæм цæугæйæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv