Уæрæсейы президенты цур президиумы Советы æмбырд

Цæгат Ирыстоны сæргълæууæг Битарты Вячеслав æмæ республикæйы экономикæйы райрæзты министр Томайты Хъазыбег видеоконференцийы руаджы архайдтой Уæрæсейы президенты цур президиумы Советы æмбырды. Разамынд ын лæвæрдта нæ бæстæйы хицауады сæрдар Дмитрий Медведев. Конференцийы сæйраг нысан - сæрмагонд национ проектты райрæзтыл æрдзурын. Дмитрий Медведев куыд бафиппайдта, афтæмæй национ проекттæ куыд æххæстгонд цæуынц, уымæн дзуапп дæтты, кæй дæлбар сты, уыцы разамынд. Программæты райрæзт къуылымпыдзинæдтæ кæй тыххæй æййафой, уыцы разамонджыты æфхæрдзысты закъонмæ гæсгæ. Дмитрий Медведев ма куыд бафиппайдта, афтæмæй амалхъом адæмæн кредиты хуызы фаг æххуыс нæ цæуы. Ныридæгæн уал кредиты тыххæй бадзырдтæ бафыстой 305 миллиард сомы аргъ, цы триллион сомы снысан кодтой, уымæй. Цæгат Ирыстоны национ проекты райрæзтæн 2019 азы рахай кодтой 7 миллиард сомы. Уыдонæй социалон нысаниуæг кæмæн ис, уыцы проекттæн радих кодтой фæйнæ миллиард сомы. Демографийæн иу миллиард æмæ `рдæг. 1 миллиард æмæ 260 милуан сомы - медицинæйы къабазæн, 1 миллиардæй фылдæр та ахуырадæн. Амалхъомдзинады райрæзтæн 2019 азы рахай кодтой 167 милуан сомæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv