Дзæуджыхъæуы æфсæддонтæн аразынц сæрмагонд рынчындон

Дзæуджыхъæуы æфсæддонтæн аразынц сæрмагонд рынчындон. Уæрæсейы æдасдзинад хъахъхъæнынады, æфсæддон-арæзтадон комплексы специалисттæ райдыдтой Хуссар æфсæддон зылды клиникон госпиталь кæнын Дзæуджыхъæуы. Фыццаг къæпхæн цыппаруæладзыгон поликлиникæйы арæзтад. 9 мин квадратон метры бæстыхайы сæ бон æххуыс райсæн уыдзæн 300 адæймагæн. Поликлиникæ уыдзæн бирæпрофилон. Фæзындзæн дзы хирургийæйы, инфекцион, дæндæгтæ дзæбæхгæнæн, диспансерон æмæ сывæллæттæн хицæн хайæдтæ. Поликлиникæ ифтонг уыдзæн æппæт нырыккон медицинон кусæнгæрзтæй. Се хсæн нымæцон хуызы чи кусы, ахæм флюрографт, электрон кардиограф, компьютерон томограф æмæ ног рентген аппаратæй. Ныртæккæ уал бæстыхайæн аразынц бындур, уыдзæн ын фидар æфсæйнаг каркас. Æддаг къултæ ныридæгæн самадтой. Хæстæгдæр рæстæг саив кæндзысты бæстыхайы æддаг бакаст. Фыццаг къæпхæны куыстытæ фæуыдзысты 2020 азы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv