Хæххон хъæу — Мастинокæ

Мæгуырæй адæм дардмæ лыгъдысты, амонд та сæм хæстæг нæ цыд. Афтæ зæгъæн ис нæ фыдæлтæй, кæддæр хохæй - быдырмæ хуыздæр цардагур куы ратындзыдтой, уæд. Ныууагътой сæ къонатæ. Ныр, иу иннæйы фарсмæ, комрæбынты æдзæрæгæй лæууынц. Æмæ ма кæд кæцыдæр зæронд хæдзæрттæй рухс ракæлы, уæддæр гом къултæ йеддмæ кæм нал баззад ахæм хъæутæ фылдæр сты. Зæгъæм, Мастинокæ. Ис Æрæфы районы. Нымад у кæй ныууагътой æмæ цæрæг кæм нал ис, ахæм хъæуыл. Цы йæм æнхъæлмæ кæсы фидæны? Мæгуырæй адæм дардмæ лыгъдысты, амонд та сæм хæстæг нæ цыд. Афтæ зæгъæн ис нæ фыдæлтæй, кæддæр хохæй — быдырмæ хуыздæр цардагур куы ратындзыдтой, уæд. Ныууагътой сæ къонатæ. Ныр, иу иннæйы фарсмæ, комрæбынты æдзæрæгæй лæууынц. Æмæ ма кæд кæцыдæр зæронд хæдзæрттæй рухс ракæлы, уæддæр гом къултæ йеддмæ кæм нал баззад ахæм хъæутæ фылдæр сты. Зæгъæм, Мастинокæ. Ис Æрæфы районы. Нымад у кæй ныууагътой æмæ цæрæг кæм нал ис, ахæм хъæуыл. Цы йæм æнхъæлмæ кæсы фидæны? Сыгъдæг Елиайæн хи бафæдзæхсынмæ Дыгургоммæ сæдæгай адæм фæцыдысты. Зæххы бæркад æмæ æрдзы хъæздынгдзинад уымæй арзагæ у. Йæ тых стыр æмæ æгæрон кæй у, уый ам алкæйдæр уырны. Уый тыххæй, алы аз дæр, июлы мæйы кæрон, адæм æрбамбырд вæййынц ацы фæзы. Кæрæдзийы рагæй зонынц. Сæ фыдæлты зæхх сæ рагæй æрбангом кодта. Дзагуырты Наталья йæ сабибонтæй нырмæ алы аз дæр ардæм цæуы. Стыр дзуармæ скувынмæ æмæ йæ фыды уæзæгæн кад скæнынмæ йæ хæсыл нымайы. Елиайы дзуар ис Мастинокæйы хъæуы, Дыгуры, Сæнгутыдоны комы хохы фæхскыл. Ныр æй хъуыды дæр ничи кæны. Йæ ном ын куы фæхъусынц, уæд фарстатæ фылдæр вæййынц, ома «уый махмæ ис?» зæгъгæ. Уæвгæ, мах æй зонгæ дæр нæ кодтам. Афтæмæй та кæддæр Мастинокæйы 25 хæдзары уыд. Хæдзæртты сæртæ дардмæ цæхæртæ калдтой. Фæлæ уый уыди 60-æм азты. 10 мыггагæй фылдæр ардыгæй рацæугæ сты. Уæдæ ацы хъæуæй бирæ бæрнон æмæ курдиатджын адæм рацыди. Се хсæн — революционер Хъойбайты Николай, зындгонд скульптор Тауаситы Дафа. Биасты 6 æфсымæры. Мастинокæйы иннæ цæрджытимæ сæхи хъæбатырæй равыдстой Фыдыбæстæйы стыр хæсты. Тугкалæн хæстмæ ацыдысты æмæ нал сыздæхтысды. Сæ номыл æрæджы хъæуы сæвæрдтой цыртдзæвæн. Æрдзы ныв цымыдисаг уайы — иу фарс дзуары кувæндон, чысыл дæлдæр намысы цыртдзæвæн. Сæ бакомкоммæ та, адзæрæг Мастинокæ. Раздæры хæдзæрттæй, ам пырх къултæ йеддæмæ ницыуал баззад. Рæстæг дзы иу дур инæййыл нал ныууагъта. Хъæубæстæйæн йæ кой дæр нал ис. Ныр æй, уæвгæ, электрон картæтыл дæр не ссардзынæ. Цæгат Ирыстоны ис хæххон зæххыты тыххæй республикон закъон. Сфидар æй кодтой, цæмæй фесæфынæн тæссаг кæмæн у, уыцы хæххон хъæутæ бахъахъхъæной æмæ сæ райрæзтыл бакусой. Ахæм закъонмæ бæрнон адæм се ргом дзæгъæлы нæ аздæхтой. Ахъуыды ма йыл кæнут, бæрæггæнæнтæм гæсгæ, ныртæккæ Цæгат Ирыстоны 200 хъæуæй фылдæры пырхæнтæ йеддæмæ ницыуал баззад. Гæнæн ис, æмæ ма сыл 43 хæххон хъæуы бафта. Уый тыххæй æмæ уыдон дæр бирæ нал ахæсдзысты. Æгас хъæубæстæйы-ма кæд 3-4 хæдзары ссарай, уæд хорз. Фæлæ, уыдон дæр згæ гуыдыртæй æхгæд. Искуы иу хатт сæм сæ хицæуттæ бæрæггæнæг æруайынц. Зæгъын хъæуы уый æмæ ахæм уавæрмæ кæй æрхаудыстæм, уымæн йæхи аххосæгтæ ис. Фыццаджыдæр, ныры дуджы, хæххон хъæуты царды уавæртæ. Бæлвырддæр зæгъгæйæ та — ницы дзы ис. Бынæттон цæрджыты ма кæм ссардзынæ, уыдон хъаст кæнынц. Дон нæй, газ нæй, рухсы цъырт никæцæй кæлы. Хæххон хъæуты æппæт коммуналон хорзæхтæ куы уаиккой, уæд дзы йæ цардæй тыхсгæ дæр ничи кæнид. Хъараты Юрийы ныхæстæм гæсгæ, хæххон хъæутæ бахъахъхъæныны программæ, Мастинокæйæн нæ баххуыс кæндзæн. Хъыгагæн. Алы аз дæр ам цы иузæрдион адæм æрбалæууы, уыдонæн уæддæр сæ ныфс нæ сæтты. Фæнды сæ, цæмæй уæларвон тыхты цæсты се 'гъдау сахада. Уырны сæ, искуы та ам ногæй не` мзæххонтæн æрбынат кæнынæн фадат уыдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv