«Адæмты ‘хсæн ахастдзинæдты мæскуыйаг паддзахадон институты сæрдыгон скъола»-йы архайджытæ бабæрæг кодтой Барбашовы фæз. Ам фæсивæдæн радзырдтой, Фыдыбæстæйы Стыр хæсты рæстæг сæхи хъæбатырæй чи равдыста, уыцы æмзæххонты тыххæй. Студенттæ базыдтой, Петр Барбашовы удуæлдайдзинад Ирыстоны абон дæр рох кæй нæу. Мадзалы архайдтой республикæйы Сæргълæууæджы æмæ хицауады администрацийы разамонæг Гобеты Ибрагим, Паддзахадон думæйы организацион куыст æмæ æхсæнадон бастдзинæдты управленийы хицау Карина Амангалиева, Ветеранты советы сæрдар Фриаты Хъазыбег, студенттæ æмæ ахуырнгæнджытæ. Æдæппæтæй — 100 адæймагмæ ввахс. Цыртдзæвæнты цур дидинджытæ сæвæрдтой, ам бынаты бакастысты Фыдыбæстæйы стыр хæсты æмæ Сæрмагонд æфсæддон операцийы тыххæй видеоæрмæджытæм. Уæ зæрдыл уын æрлæууын кæндзыстæм, «Адæмты ‘хсæн ахастдзинæдты мæскуыйаг паддзахадон институты сæрдыгон скъола» Цæгат Ирыстоны кусы фыццаг хатт. Архайынц дзы мæскуыйаг æмæ цæгатирыстойнаг студенттæ. Программæйы ис лекцитæ, дæсныйадæвдисæн ахуыртæ, семинартæ, экономикæ, разамынд æмæ туризмы фарстатыл æрныхас. Мадзал ахæсдзæн 29-æм июлы онг.