Чи у раст?

Нæ республикæйы тагъд æххуысы клиникон рынчындоны кусджытæ æмæ рынчындоны хицауады æхсæн быцæу рауад. Кæрæдзийы нæ бамбæрстой. Медицинон уагдоны кусджытæ куыд зæгъынц, афтæмæй сын сæ мызд, куыд æмбæлы, афтæ нæ фидынц. Уый фæдыл Интернеты фæзынд видео-æрмæг, кусджытæ дзы сæ хъаст адæмы размæ рахастой. Кæй зæгъын æй хъæуы, æрмæг æхсæнады банкъуысын кодта. Нæ республикæйы тагъд æххуысы клиникон рынчындоны хицауад уагхæлдтытимæ разы нæу. Раст æмæ азымджын чи у, уый сбæлвырд кæныныл бацархайдта не сфæлдыстадон къорд дæр. Ацы кадртæ социалон хызæджы фæзындысты 8 августы. Нæ республикæйы тагъд æххуысы клиникон рынчындоны кусджытæ хъаст кæнынц, сæ мызд сын куыд æмбæлы, афтæ кæй нæ фидынц. Видео-æрмæг систа Юлия Орлова, адæм, дам, рынчындоны хицауадим. фæбыцæу сты, зæгъгæ, сты. Кæрæдзийы нæ бамбæрстой. Кæй зæгъын æй хъæуы, æрмæг чи федта, уыдоны ацы хъуыддаг сцымыдис кодта. РЦИ-Аланийы тагъд æххуысы клиникон рынчындоны кусæг Юлия Орлова: «Хуымæтæг æфснайджытæм нæ куы раивтой, уæд нын раст нæ бамбарын кодтой, цавæр гæнæнтимæ нæ райсдзысты, уый. Уымæн æмæ Хуымæтæг æфснайджытæ исынц иухуызон мызд, санитарон хотæ та æндæр. Домæнтæ дæр сæм иухуызон не сты. Æфснайæг иу хæстæ æххæст кæны, санитарон хо æмæ санитар та æндæр». Нæ республикæйы тагъд æххуысы клиникон рынчындоны сæйраг дохтыр Мытцыты Астаны фидарæй уырны - мызд фидыны æгъдау хæлд нæ цыд, фыстой йæ, куыд æмбæлы, афтæ. Уымæ гæсгæ хицауад йæхи азымджыныл нæ нымайы. Махæй дæр уæдæ нæ басусæг кодта, мызд цы хуызы æмæ цæй тыххæй фидынц, уый. Мызды бæрц, дам, аразгæ у, кусæг цал боны фæллой кодта, уымæй. Уымæ гæсгæ, зæгъы, куысты æппынкъаддæры бæрцæй ныллæгдæр сæ мызд нæ уыдзæн. Ныртæккæ у 11 мин 163 сомы. РЦИ-Аланийы тагъд æххуысы клиникон рынчындоны сæйраг дохтыр Мыцыты Астан: «Ис нæм кусæнуæттæ чи æфснайы, ахæмтæ. Уыдон æрмæст уыцы куыст кæнынц. Уымæ гæсгæ, сæ хæстæ куыд æмбæлы, афтæ куы кæной æмæ æмбæлгæ сахæттæ куы кусой, уæд райсдзысты куысты æппын къаддæр мызды бæрц. Видеоæрмæджы куыд зæгъынц, афтæмæй, дам, 5-гай мин сомтæ райстам. Уый раст нæу, уымæн æмæ, йæ хæстæ, куыд æмбæлы, афтæ чи `ххæст кæны, уыдонæй куысты æппын къаддæр мызды бæрцæй къаддæр ничи исы». Ахæм хъуыддæгтæм прокуратурæйы кусджытæ тынг къæрцхъус сты. Уымæ гæсгæ Цæгат Ирыстоны цæстдарæг уагдон бабæрæг кодта клиникон рынчындон. Фæнды сæ, фæллойадон закъон куыд æххæстгонд цæуы, уый раиртасын. РЦИ-Аланийы дзыллон информацион фæрæзтимæ æмæ æхсæнадимæ æмгуыстады прокуроры æххуысгæнæг Цориты Алинæ: «Дзыллон информацион фæрæзты рынчындоны кусджыты æртхъирæны тыххæй хъусынгæнинаг куы айхъуыст, уæд Цæгат Ирыстоны прокуратурæ сарæзта басгæрст. Бæлвырд кæны, нæ республикæйы тагъд æххуысы клиникон рынчындоны фæллойадон закъон куыд æххæстгонд цæуы, уый. Стæй ма, кусджытæн æцæгæйдæр цавæр мызд фыст æрцыд, уый дæр. Кæд уагхæлдтытæ рабæрæг уой, уæд аххосджынтæ `фхæрд баййафдзысты». Кусджыты хъæуы банхъæлмæ кæсын. Нæ республикæйы тагъд æххуысы клиникон рынчындоны кусджытæ æмæ сæ хицауад кæрæдзимæ зулцæстæй цæмæн кæсынц, закъон хæлд æрцыд æви нæ, æппæт уыцы фæрстытæн дзуапп хъуамæ ссарой хæстæгдæр рæстæг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv