Цæгат Ирыстоны арæзт цæуы профилактикон мадзал «Безопасный перекресток».

Майрæмы мæйы 8-æмæй 15-æм бонмæ Цæгат Ирыстоны арæзт цæуы паддзахадон атоинспекцийы профилактикон мадзал «Безопасный перекресток». Хæдтулгæты шофырты зонындзинæдтæ сбæрæг кодтой, тигъыл раст ацæуыны домæнтæ куыд зонынц, уымæй. Фæндаггон службæйы кусджытæ уæлдай цæст дарынц светофоры бынмæ æрлæууæн хаххæй æмæ ныхмæ цæуæг фæндаджы хаймæ чи рахизы, стæй сырх рухсмæ чи нæ бауромы, уыцы закъонхалджытæм. Паддзахадон автоинспектортæ сидынц шофыртæм, цæмæй 2 цæхгæрмæ уынджы сæрты цæуой фæндаггон закъæттæ æххæст кæнгæйæ, ома рагацау фæсабырдæр кæнын машинæйы цыд æмæ къæрцхъус уæвын. Инспектортæ шофыртæн æвдыстой хæслæвæрдтимæ сыфтæ. Мадзалы рæстæг инспектортæ машинæты хицæуттæн сарæзтой тест. Шофыртæм радтой, алы цаутæ æвдыст кæм уыдысты, ахæм нывæфтыд карточкæтæ, уыдонмæ гæсгæ шофыр хъуамæ радтаид дзуапп куыд рацыдаид сæвзæрд уавæрæй. Раст дзуапп чи радта, уыдонæн балæвар кодтой, уæлæдарæсыл талынджы чи рухс кæны, ахæм нысантæ. Фæндаггон змæлды инспектортæ ма иу-хатт сидынц адæммæ цæмæй фæндагыл къæрцхъусдæр уой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv