Цæгат Ирыстоны наркотиктæ зилдух кæныны ныхмæ управленийы кусджытæ раиртæстой закъонхæлд

Барадхъахъхъæнджытæ закъонхалджытæн æмбæлгæ ныхкъуырд раттынц. Ацы бонты рабæрæг кодтой наркотиктæ чи парахат кæны, ахæм адæймаджы. Дзæуджыхъæуы 31-аздзыд цæрæг. Ныр æм æвзиды ахæстоны фæбадыны тæрхон. Цæгат Ирыстоны мидхъуыддæгты министрады наркотиктæ зилдух кæныны ныхмæ цæстдарæг управленийы кусджытæ раиртæстой наркотиктæ уæй кæныны цау. Пъæлицæйæгтæ базыдтой, Дзæуджыхъæуы 31-аздзыд цæрæг йæ хæдзары наркотиктæ кæй дары. Фæнд сæ кодта апарахат кæнын. Барадхъахъæнджытæ нæлгоймагмæ сæ цæст дарын райдыдтой. Йæ хадзыры йын басгæрсты рæстæг ссардтой наркотикты тыхтон. Криминалистты хатдзæгмæ гæсгæ, уый уыд гæн. Йæ бæрц та - 240 граммы. Оперативон мадзæлтты рæстæг ма фæхæст сты æлхæнæгыл дæр. Уый разынд Мæздæджы цæрæг нæлгоймаг. Закъонхалæг радзырдта æмбæхст ранæй сæ кæй иста, уый. Барадхъахъхъæнджытæ басгæрсты рæстæг куыд сбæрæг кодтой, афтæмæй фыдгæнæг наркотикæ парахат кæнынæй уæлдай ма сæ зайын дæр кодта. Уый тыххæй йæ хæдзары уæттæй иуы сарæзта хъæрмуат  Нæлгоймаджы хæдзары ма ссардтой марихуаннæ дæр. Йæ бæрц- 18 граммы. Уыимæ ма скуынæг кодтой 21 гæны къудзийы.  Ныртæккæ нæлгоймаджы ныхмæ байгом кодтой уголовон хъуыддаг Уæрæсейы уголовон кодексы 228-æм статьямæ гæсгæ. Гæнæн ис æмæ ахæстоны фæбада 20 азы онг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv