Уæрæсейы адæмон хæдзарады æмæ паддзахадон службæйы академийы иумæйаг сесси райдыдта

Дзæуджыхъæуы Уæрæсейы адæмон хæдзарады æмæ паддзахадон службæйы академи республикæйы ахуырад æмæ наукæйы министрады иумæйаг сесси райдыдта. Йæ сæйраг нысан - Уæрæсейы регионты пректон змæлды райрæзт. Æртæ боны профессионалон цæттæдзинады центры ахуыргондтæ æмæ академийы специалисттæ архайджыты зонгæ кæндзысты проект саразыны сусæгдзинæдтимæ, йæ арæзтады къæпхæнтимæ æмæ райрæзтимæ. Йæ сæйраг нысан - республикæйы социалон æмæ экономикон хъæппæристы проектон райрæзт. Æртæ бонмæ скъоладзаутæ æмæ ахуыргæнджытæ хъуамæ бацæттæ кодтаиккой пректы эскизтæ. Аргъ сын кодтой эксперттæ. Хъæппæристæ баст уыдысты регионы социалон-культурон райрæзтимæ. Фидæны аз та ахуыргондтæ æмæ Уæрæсейы адæмон хæдзарады æмæ паддзахадон службæйы академийы специалисттæ ногæй ссæудзысты Цæгат Ирыстонмæ егъаудæр программæимæ. Уый руаджы проекттæ практикон ӕгъдауӕй фæлвардзысты республикæйы. Ам цы фæсивæд æрӕмбырд, уыдонмӕ ис проекттæ цӕттӕ кæныны фæлтæрддзинад. Фӕлӕ ма дзы ис, ацы къабазы фыццаг хатт йæхи чи фæлвары, ахæмтæ дæр. Се 'ппæты дæр фæнды сæ зонындзинæдтæ раргом кæнын. Архайынц, цæмæй сын сæ хъæппæристæ банымайой хуыздæрыл. Сæ зонындзинæдтæй пайда кæнынц практикон хуызы дæр. Хъуамӕ исты пайда æрхæссой, æрмæст сæхицæн нæ, фæлæ ма республикæйæн дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv