Цæгат Ирыстоны разамынд цæттæ у Цæгат Кавказы киностудийы куыст сног кæнынмæ

Цæгат Ирыстоны разамынд цæттæ у Цæгат Кавказы киностудийы хæстæ бафидын æмæ йын йæ куыст сног кæнынмæ. Цас дары, уыцы `хцайы бæрц акаст 6 милуан сомы сæрты. Уый тыххæй хъусын кæны агентад ТАСС республикæйы сæргълæууæг Битарты Вячеславы ныхæстыл æнцайгæйæ. Куыд зонут, афтæмæй Сочийы медиафорумы рæстæг Уæрæсейы Президент Владимир Путины бафарстой Цæгат Кавказы киностудийы тыххæй. Бæстæйы разамонæгæн радзырдтой, тынг уæззау уавæры кæй ис куыстуат æмæ йæм паддзахадæй цæст фæдарын кæй хъæуы, уый тыххæй. Афтæмæй та нæм сфæлдыстадон тыхтæ бирæ ис, йæ цард киноимæ бабæттын кæй фæнды, ахæмтæ. Путин зæрдæ бавæрдта, хъуыддагмæ бæстондæрæй кæй æркæсдзæн æмæ кæй баххуыс кæндзæн, уымæй. Уæ зæрдыл уын æрлæууын кæндзынæн, 2017-æм азы нæ республикæйы разамынд федералон хицаудзинадмæ кæй æрхатыд киностуди Цæгат Ирыстоны исбонады хыгъдмæ радтыны хъæппæрисимæ. Уый уыдис йæ фервæзын кæныны мадзæлттæй иу. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv