Карз нозт уадзыны хъомыс

Сырдоны цæссыгæн абон у йæ гуырæн бон. Адæймаджы стыр сгуыхтытæм чи разæнгард кæны, денджыз уæраджы онгмæ чи `ртæры, уыцы арахъæн нырма, æвæццæгæн, бирæ бантысдзæн. Æрмæст дзы хъæуы бæрц зонын. Уæвгæ алкæмæн йæ бар – йæхи. Фæлæ карз нозт уадзынæй нæ республикæйы бюджет цы `фтиæгтæ иста, уыдон ныр дæр ма `рхъуыды кæнынц. Кæд та уыцы рæстæджытæ раздæхиккой. Æппынфæстаг, республикæйы Хицауад уый тыххæй æппæт мадзæлттæ дæр аразы. Хъуамæ сын бантыса. Чысылгай фæстæмæ йæ къахыл чи слæууыд, ахæм куыстуæттæ нæм ис. Сæ иуы тыххæй – нæ абоны `рмæг. Ацы хъуыддаджы сæйрагдæр у продукцийы хæрзхъæддзинад. Карз нозт уадзæн куыстуæтты хсæн архайын æнцон нæу. Заказтæ бирæ сты. Фæлæ цæмæй дæ куыст размæ цæуа, уый тыххæй та хъæуы домæнтæ æмбæлгæ хуыззы `ххæст кæнын. «Алы технологон операци дæр хъуамæ æххæст кæной паддзахадон домæнтæ æмæ стандарттæм гæсгæ. Продукци уадзæн линийыл куыст, этикеткæтæ ныхасын æмæ суанг æвгтæ къоппыты æвæрын - алцыдæр хъуамæ конд уа фæткмæ гæсгæ. Ам та алы операци дæр ахсджиаг у. Алы хуызы продукцийæн дæр ис йæхи домæнтæ æмæ барадон гæххæтт», - загъы лабораторийы сæогълæууæг Светлана Овсепян. Ацы цехы та уадзынц шампайнаг, сæнтæ, коньяк æмæ нозты æндæр хуызтæ. Алы технологи дæр у автоматизацигонд. «Нæхи продукцийы кой куы кæнæм, уæд зæгъдзынæн уый, æмæ 2017-æм азы июлæй декабры онг мæймæ уагътам 7-8 милуан авджы. Уый гыццыл нæу. Фидæм хъалонтæ республикон æмæ федералон бюджетмæ дæр. Дæнцæгæн, 2017 азы бафыстам 3 млрд æмæ 172 милуан сомы. 2018 азы райдианæй нырмæ та – 584 милуан сомы. Уый æвзæр бæрæггæнæн нæу», - загъы æнæххæстбарджын æхсæнад «Салют»-ы генералон директор Хæмæтаты Зæлинæ. Хæрзхъæд карз нозт уадзынæй нæ республикæ фæлтæрд у. Сæйрагдæр хæзна – не `рдзон уавæртæ. Кæддæр продукцийы рауагъдмæ гæсгæ уыдыстæм фыццæгтæ. Куыдфæстæмæ, ацы куыстуат æрхауд. Ныр йæ архайд сног ис æмæ уæндон къахдзæфтæ кæны. Æдæппæтæй карз нозт æмæ спъиртуадзæн куыстуæттæ нæ республикæйы 20-мæ ввахс сты. 7-мæ дзы ис æмбæлгæ лицензитæ. 8 куыстуатмæ та – спъирт уадзыны бар. 7 куыстуаты рады лæууынц лицензитæ райсынмæ. Зæгъæм, нæ республикæйы стырдæр завод «Исток» æххæст хъомысæй скусдзæн февралы кæрон. Фæнды сæ шампайнаг æмæ сæнты æндæр хуызтæ уадзын. Уæрæсейы хъæбæр нозтмæ цæстдарды регионалон хайады куыд нысан кæнынц, афтæмæй æвæрццæг ивддзинæдтæ бæрæг дарынц. Ацы къабаз куыд рæзы, уый зыны. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv