12 æрмадзы фæзындзæн Дзæуджыхъæуы профессионалон ахуыргæнæндæтты афæдзы кæронмæ

12 æрмадзы сараздзысты республикæйы профессионалон ахуырады уагдæтты ацы азы кæронмæ. Уыдон фæзындзысты Дзæуджыхъæуы электроникæйы колледжы, Цæгат-Кавказы арæзтадон æмæ Дзæуджыхъæуы базарадон-экономикон техникумты, стæй Цæгат Кавказы аграрон æмæ Цæгат Ирыстоны медицинон колледжты. Æрмадзтæ кусдзысты 5 алыхуызон архайды хуызтæм гæсгæ – «Сфæлдыстад, дизайн æмæ лæггæдты къабаз», «Информацион-коммуникацион технологитæ», «Арæзтад», «Хъæууон хæдзарад» æмæ «Социалон къабаз». Национ проект «Ахуырад»-ы фæлгæты федералон бюджетæй ацы хъуыддагæн рахай кæндзысты 31 милуан сомы. Афтæмæй, студенттæн сæ гæнæнтæ зынгæ фæуæрæхдæр уыдзысты. Ахуыры рæстæг исдзысты канд теоретикон зонындзинæдтæ нæ, фæлæ ма практикæйы хуызы дæр. Ныридæгæн республикæйы кусы 21 ахæм æрмадзы. _________________________ Мы рядом в: vk.com/irystontv ok.ru/irystontv youtube.com/irystontv zen.yandex.ru/irystontv t.me/irystontv