Iron now

Фæсивæдон организаци «Фыдæлтыккон бындур» сарæзта мобилон уæлæфтуан ирон æвзаг ахуыр кæнынæн «Iron now - Бындур», зæгъгæ. Йе `ххуысæй мадæлон æвзаг базонын уыдзæн æнцондæр. Проект сарæзтой Уæрæсейы президент Владимир Путин кæй снысан кодта, уыцы Национ политикæйы стратегийы фæлгæты. Ирон æвзаг парахат кæнынæн проект у хорз бавæрæн. Базонæн дзы ис ирон традицитæ æмæ культурæ, Ирыстоны рæсугъд æрдзы тыххæй видеонывтæ. Уæлæфуан телефонмæ бахæссæн ис Appstore æмæ Google Play онлайн дуканитæй спайда кæнгæйæ. Контент куы сног кæной, уæд ма дзы фæзындзæн дыгурон диалект æмæ ирон ныхасы здæхтытæ дæр. Турчы цы ирæттæ цæрынц, уыдон дæр рох не сты. Уæлæфтуанæ спайдагæнæн уыдзæн туркаг æвзагмæ тæлмацимæ. Уæвгæ дзы æндæртæ дæр уыдзæн, зæгъæм, англисаг æмæ венгриаг æвзæгтæ. Уæлæфтуаны сæйраг сыфы хуыз алкæмæн дæр йæ бон у йæхицæн равзарын. уæдæ дзы хъæзтытæ дæр ис. Алы урочы дæр дзы ахуыргæнæджы хуызы æххуыс кæны нывгонд фыранк. Уæлæфтуанæй пайда кæнын у æнцон. Ис дзы æвзаг базонæн. Лингвистикон бындурæй уæлдай уæлæмхасæны спайда кодтам къамтæ æмæ видеоæрмæджытæй Ирыстоны аивдæр нывтимæ. Программæ дарддæр дæр æххæст кæндзыстæм алыхуызон æрмæджытæй, уæдæ фæуæрæхдæр уыдзысты йæ гæнæнтæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv