Паддзахадон автоинспекцийы кусджытæ фембæлдысты сывæллæттимæ

Цæгат Ирыстоны Паддзахадон автоинспекийы кусджытæ бабæрæг кодтой сывæллæтты лагерь санаторий «Осетия»-йы. Семæ автомобилистты æппæтуæрæсеон æхсæнады минæвæрттæ. Инспектортæ радзырдтой фæндаггон змæлды цы æнæнхъæлæджы цаутæ гæнæн ис æмæ æрцæуой, уыдоны тыххæй. Сывæллæтты зæрдыл æрлæууын кодтой, фистæгцуæджыты домæнтæ, фæндаджы сæрты хизгæйæ. Фæнысан кодтой, талынг рæстæг ахæм хъуыддажы рухсддæттæг гæрзтæй пайда кæнын кæй хъæуы, уый. Радзырдтой велосипедтæй пайда кæныны рæстæг фæнддагон фæткæвæрдты тыххæй. Уæлдай æргом аздæхтой - æдасдзинады ронтæ куыд ахсджиаг сты, уымæ. Лагерьы архайджытæн Паддзахадон автоинспекцийы кусджытæ бацæттæ кодтой алыхуызон хъæзтытæ æмæ викторинæтæ. Ахæм хуызы сбæрæг кодтой, цы ног зонындзинæдтæ сын раргом кодтой, уыдон сабитæ бахъуыды кодтой, æви нæ. Фæнддагон æдасдзинадмæ чи кæсы, уыдон ахсджиагыл нымайынц ахæм мадзæлттæ. Сæ ныхæстæм гæсгæ, сывæллæттимæ кусгæйæ та, æнцондæр у хъазты хуызы сын æмбырын кæнын. Акцийы кæронбæттæн, Паддзахадон автоинспекцийы кусджытæ сывæллæттæн балæвар кодтой рухсдæттæг хъазæнтæ æмæ газеты фыстæджытæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv