Паддзахадон æххуыс

Республикæйы хицауад баххуыс кæндзæн 1-æм рæстмæгæнæн колонийы куыстадон архайд райрæзын кæнынæн. Ахæм хæс нæ республикæйы промышленность æмæ транспорты, стæй экономикæйы рæзты министрадты размæ сæвæрдта Цæгат Ирыстоны хицауады сæрдар Тускъаты Таймураз. Йæ ныхас загъта, ахст адæмы колони куы бабæрæг кодта, уæд. Премьер базонгæ ис йæ куыстадон гæнæнтимæ. Промышленность æмæ транспорты министр Хайдарбек Бутов æмæ æфхæрдтæ æххæстгæнæг Уæрæсейы федералон службæйы Цæгат Ирыстоны управленийы сæргълæууæджы хæстæ рæстæгмæ æххæстгæнæг Гугкаты Артуримæ федта, ахст адæм фæллой кæм кæнынц, уыцы куыстадон æрмадзтæ цехтæ. Ам цæттæ кæнынц товартæ адæмы фæлхасадæн - æфсæнхызæгтæ, бырутæ, бахизæны дуæрттæ, мангалтæ. Уымæй уæлдай ма хъæдæй конд дзаумæттæ дæр - хæдзарæн æмæ цæхæрадонæн. Æрмадзты лæггæдтæй арæх пайда кæнынц Цæгат Ирыстоны скъолатæ. Саразынц ахуырдзаутæн стъæлттæ æмæ бандæттæ. Колонийы цы урс халаттæ хуыйынц, уыдон та дарынц Беслæны медцентры кусджытæ. Товартæ сты хæрзхъæд. Æлхæнæг дæр сæ ис. Уый федтой нæ републикæйы хицауады минæвæрттæ дæр. Фæлæ Гугкаты Артур куыд фæбæрæг кодта, афтæмæй сæ бон у фылдæр истытæ уадзын. Æрмæст хъуамæ æлхæнджытæ дæр фылдæр уой. Уымæ гæсгæ ахст адæмæ алкæмæн нæй кусыны фадат. Уæвгæ сты цалдæр сæдæ адæймаджы. Тускъаты Таймураз куыд фæбæрæг кодта, афтæмæй хъæуы куыстадон æмархайд саразын æмæ колонийæн паддзахадон заказтæ дæттынæн баххуыс кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv