Цæгат Ирыстоны паддзахадон университеты чингуытæ лæвар кæныны бон сарæзтой чингуыты зилдух

Цæгат Ирыстоны паддзахадон университеты чингуытæ лæвар кæныны бон сарæзтой чингуыты зилдух. Химион-биологон факультеты студенттæ рамбылдтой проектты æркаст, райстой спонсорон æххуыс æмæ чингуытæ кæрæдзийымæ ивыны традици сæххæст кодтой. Бацæттæ кодтой тæрхæджытæ æмæ чингуытӕ кӕсынӕн æнцонвадат бынæттæ. Фыццаг бон дæр уæлвæйнæгтæ байдзаг сты алыхуызон литературæйæ. Республикæйы сæргълæууæг дæр проекты бацархайдта. Сергей Меняйло балæвар кодта Хетæгкаты Къостайы уацмысты æмбырдгонд. Ноджы дыууæ чиныджы коллекцимæ радта университеты ректор Огъуаты Алан. Уæ зæрдыл уын æрлæууын кæндзыстæм, чингуыты зилдухæн университеты ныр дыууæ бынаты кæй ис. Чингуыты тæрхæджытæй ныр бирæ азты пайда кæнынц уырыссаг филологийы факультеты.