Скрипкæйæ дæсны цæгъдджыты фестиваль фæндзæм хат цæуы Дзæуджыхъæуы

Мадзал сбастой Петр Чайковскийы номыл музыкалон скъолайыл 85 азы кæй сæххæст уыимæ. Проекты сæ дæсныйад равдисдзысты куыд скрипкæйæ дæсны цæгъдджытæ, афтæ Дзæуджыхъæуы аивадон скъолаты æвзонг музыканттæ дæр. Сæ арæхстдзинад дзы равдисдзысты Уæрæсейы æндæр регионтæй архайджытæ дæр. Уазджыты`хсæн Япони æмæ Сербийы минæвæрттæ. Фестивалы сценæмæ рацæудзæн Чайковскийы номыл музыкалон скъолайы 9 рауагъдоны. Сæйраг хæс – æвзонг музыкантты сфæлдыстадон курдиатыл бакусын. Фестиваль Цæгатирыстойнаг паддзахадон филармонийы цæудзæн 24-æй - 27-æм октябры онг. Фæсивæдон концерт абон ацæудзæн 1-æм музыкалон скъолайы. Фестивалы аразджытæ культурæйы управлени æмæ Дзæуджыхъæуы бынæттон хиуынаффæйад. Уæрæсейы сгуыхт артист Граф Муржа: «Фестиваль у тынг цымыдисаг. Уый у хорз хъуыды скрипкæйæ цагъдынмæ уæлдай æргом аздахын. Ацы хъуыддаг хуымæтæг нæу, фæлæ æгайтдæр ма скъола ахæм проекттæ аразы». П.И. Чайковскийы номыл музыкалон скъолайы ахуыргæнæг: «Ай у стыр æмæ ахадгæ проект. Мæнмæ гæсгæ мызыкалон скъолайы проекты сæйрагдæр у, ахуырдзаутæ музæкæйæн лæггад кæнын куыд хъæуы, уый феныны кæнын. Фадат ис». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv