Ахуырады райрæзтæн

Технопарк «Кванториум» абон бабæрæг кодта Уæрæсейы ахуырады райрæзты фонды генералон сæргълæууæджы хæдивæг Антон Тимкин. «Кванториум»-ы цавæр куыст цæуы, уымæ лæмбынæгæй æркаст. Куыд фæнысан кодта, афтæмæй Уæрæсейы кванториумты `хсæн Цæгат Ирыстоны технопарк æнæмæнг хуыздæртæй иу у. Уымæй уæлдай ма нæ республикæйы ахуырады управлени, астæуккаг профессионалон æмæ уæлæмхасæн ахуырады кусæндæтты минæвæрттимæ аныхас кодта национ ахуырадон проектыл. Се `ргом аздæхтой ахуырады нырыккон технологиты æмæ фидæны пълæнттæм дæр. Антон Тимкин, ахуырады райрæзты фонды генералон сæргълæууæджы хæдивæг: «Фæзындзæн уæм бирæ ног инфраструктурон объекттæ, фæфылдæр уыдзæн кванториумты нымæц. Уыимæ ма фæзындзысты мобилон кванториумтæ дæр. Уыдоны руаджы суанг дард хъæуты цæрæг сывæллæты бон уыдзæн проектон хуызы ахуыр кæнын ног технологитæм гæсгæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv