Цæгат Ирыстоны уыд коронавирусы ныхмæ оперативон штабы æмбырд

Цæгат Ирыстоны уыд Коронавирусы ныхмæ оперативон штабы æмбырд. Бæлвырдæй бæрæг у - нæ республикæйы вирусæй рынчынтæ нæй. 90 адæймаджы ныртæккæ сты карантины. Цæуы сæм сæрмагонд цæстдард, фæлæ, бæрнон кусджытæ куыд зæгъынц, афтæмæй уыдонæн дæр тæссаг ницæмæй у. Оперативон штабы æмбырды дзырдтой иумæйагæй цæттæгæнæн мадзæлтты тыххæй. Уый хынцгæйæ Фæлхасгæнджытæм цæстдары управлени йæ куыст кæны нысангонд фæткмæ гæсгæ. Йæ тыхы ис карздæр цæттæдзинады уынаффæ. Бафыста йæ республикæйы сæргълæууæг Битарты Вячеслав. Уый размæ хицауады уæнгтæн бабар кодта, медицинон маскæтæ уадзыны хъуыддаг банывыл кæнын. Куыд бафиппайдта, афтæмæй хъуамæ цыбыр рæстæгмæ ацы фарста лыггонд æрцæуа. Уавæр фæрогдæр кæнынæн архайынц æппæт дзуапдæттæг оргæнтæ. Фæлхастгæнджытæм цæстдарды управленийы кусджытæ адæмæн сæхи куыд дарын хъæуы, уый тыххæй дæттынц сæрмагонд гæххæттытæ. Уымæй уæлдай нæ республикæйы цæрджытимæ аразынц профилактикон мадзæлттæ. Управленийы кусджытæ куыд бафиппайдтой, афтæмæй коронавирус хуымæтæг низ нæу. Нæй йæ абарæн грипп кæнæ æхснырсæгимæ. Ныртæккæ сæйрагдæр у, цæмæй адæм сæхимæ лæмбынæг базилой, æнæниздзинады домæнтæ бæстонæй æххæст кæной. Цы ахуыргæнæндæттæ рахызтысты дистанцион ахуырмæ, уыдонмæ ма бафтыд сывæллæтты технопарк «Кванториум» дæр Йæ хъомылгæнинæгтæ ныр ахуыр кæндзысты видеобастдзинады фæрцы. Ахуыргæнджытæ пайда кæнынц сæрмагонд уæлæфтуантæй. Дистанцион форматы сын канд лекцитæ нæ кæсдзысты, фæлæ ма араздзысты практикон ахуыртæ дæр. Уый тыххæй хъусын кæны технопаркы разамонæг Алексей Котец. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv