Ивартæ сырæздысты

Уæрæсейы Президент Владимир Путин бафыста, электрон тых чи давы, уыцы адæймæгты ивар кæныны закъон. Ногдзинæдтæ хауынц, дыккаг хатт ахæм фыдракæнд чи сараза æмæ хивæндæй электрон тыхы хызæгмæ чи баиу уа, уыдонмæ. Закъоны ивддзинæдтæм гæсгæ, ахæм адæймæгты ивар фæфылдæр уыдзæн 15 мин сомæй 30 мины онг. Раздæр уыдис 10 минæй 15 мин сомы онг. Бæрнон кусæг куы ахизы закъоны сæрты, уæд уый ивары бæрц уыдзæн 80 минæй 200 мин сомы онг. Фæлæ дзы, куыд фæзæгъынц, æцæг чи батахт, уыдон та сты юридикон бæрнондзинадимæ куыстуæттæ. Сæ дзыппытæ сын фæмæгуырдæр кæндзысты 200 мин сомæй 300 мины онг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv