Мемориалон фæйнæг байгом Хъуысаты Генрийæн

Дзæуджыхъæуы мемориалон фæйнæг байгом кодтой зындгонд бæстæзонæг, Хетæгкаты Къостайы номыл паддзахадон премийы лауреат, историон наукæты доктор Хъуысаты Генрийæн. Плита йæ бынат ссардта, Хъуысайы фырт кæм цард, уыцы хæдзары æддаг къулыл. Йæ автор — зындгонд скульптор Дзбойты Михаил. Хъуысаты Генри 30 азæй фылдæр фæкуыста йæ уарзон уæлдæр ахуыргæнæндоны. Райдыдта хистæр ахуыргæнæгæй æмæ сси экономикон, социалон æмæ политикон географийы профессор. У документалон кинонывты æмæ бæстæзонынады къабазы егъау куыстыты автор. Се 'хсæн «По городу Орджоникидзе», «Поиски краеведа», «Встречи со старым Владикавказом». Ахуыргонды ном æрымысыдысты Дзæуджыхъæуы администрацийы сæргълæууæг Милдзыхты Вячеслав, горæты æбырды минæвæрттæ, Цæгат Ирыстоны Паддзахадон Университеты разамынд, Хъуысаты мыггаджы минæвæрттæ, уыимæ ма йе 'мкусджытæ, хæлæрттæ æмæ зонгæтæ. Фæнысан ма кæндзыстæм уый, æмæ мемориалон фæйнæг сæвæрыны хъæппæрис рахаста университеты разамынд. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv