Æнтысæд дын

Нæ республикæйы сæргълæууæг Битарты Вячеслав арфæйы ныхæстæ ракодта не `мзæххон Баллаты Маратæн. Йæ фæстаг тохы та радон хатт ссис уæлахиздзау. Спортсмен æмæ йæ тренер Бязырты Савелий бузныджы ныхæстæ ракодтой Битарты Вячеславæн, Маратæн Уæрæсейы паспорт райсыны хъуыддаджы кæй баххуыс кодта, уый фæдыл. Ирон богал райгуырд Туркменийы æмæ йын не `нтыст Уæрæсейы гражданин суæвын. Ныр йæ къухы бафтыд. Уæ зæрдыл ма уын иу хатт æрлæууын кæндзыстæм, йæ фæстаг фембæлды 1-æм раунды 4-æм минутыл Мурад Мачаевыл нокаутæй кæй фæуæлахиз. Экспертты хъуыдымæ гæсгæ йын ацы уæлахиз хорз ахъаз фæуыдзæн чемпионы титул раздахынæн. Фæнысан ма кæндзыстæм уый, æмæ профессионалон рингыл Баллаты Марат фæуæлахиз 8 хатты, 1 хатт та хæрд фæцис. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv