Æдзухдæр кафгæйæ

Кафгæйæ æвдисынц сæ миддуне æмæ се’нкъарæнтæ. Абон Цæгат Ирыстоны паддзахадон университеты ансамбль «Ирыстон» йæ аивадуарзджытæн лæвар кæны сæрмагонд концерт. Хъуыстгонд коллективæн у 300-æм юбилейон изæр. Ансамбль сæвзæрд 1976 азы. Уыцы рæстæг уыд студентты аивадон хæдахуыр къорд, разамынд та йын лæвæрдта аивадон разамонæг Плиты Махарбег. Фыццаг къахдзæфтæ ансамбль кодта æнтыстджынæй. Æртæ азы фæстæ Тбилисийы националон кæфтыты конкурсы рамбылдта Гран-При. Уый фæстæ фæсивæды æмæ студентты 12-æм Æппæтдунеон фестивалы лауреат сси. Уæдæй абонмæ Уæрæсейы сгуыхт артист Плиты Махарбег æнувыдæй архайы æмæ сывæллæттæн æнæвгъауæй дæсныйады сусæгдзинæдтæ лæвар кæны. Аивадон къорд йæ гастрольтæй барæсугъд кодта бирæ бæстæтæ. Уыдысты Францийы, Итали, Великобританийы, Венгрийы, Болгарийы æмæ æндæр фæсарæйнаг бæстæтæ. Ансамблыл фарон сæххæст 43 азы. Абон дæр та концертон зал СОГУ-йы бацæттæ кодтой цымыдисаг концертон программæ. Райдайдзæн изæры 6 сахатыл.  Аивадуарзджыты рæвдаудзысты Кавказы адæмыхæттыты алыхуызон кæфтытæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv