Арвы дуар фегом

Фыццаг тыхджын къæвдайы аххоссæй та Дзæуджыхъæуы уынгтæ доны бын фесты. Фæндаджы дондзæуæнтæ доны цыхцырджытæн фаг нал кодтой. Ацы кадртæ нæ уацхæсджытæ систой чысыл раздæр горæты сæйрагдæр азмæлæнтыл. Ахæм ном бæргæ хæссынц, фæлæ сыл азмæлæн нал уыд. Шофыртæй бирæты сæрмæ арвы дуар æнæнхъæлæджы фегом, уымæ гæсгæ сын сæхи бафснайынæн фадат нал уыдис. Хуыздæр фидæныл чи нал æууæндыд, уый йе `фсæн бæх дуарæхгæдæй уынджы фæуагъта æмæ фистæгæй араст. Уæддæр, дам, донласт хуылыдзæй нал тæрсы, зæгъгæ. Тæрккъæвда Дзæуджыхъæуы къазнайæ цас æхца рахсадта, уый нырма хъæудзæн сбæрæг кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv