Уæрæсейы посты æрвитинæгтæ фæхæццæ кæныны рæстæг фæтагъддæр

Уæрæсейы посты стыр горæттæм æрвитинæгтæ фæхæццæ кæныны рæстæг фæтагъддæр. 2019 азы фыццаг æхсæз мæйы хатдзæгтæм гæсгæ посты æрвитинæгтæ Уæрæсейы стыр горæтты `хсæн фæкъаддæр æртæ боны онг. Фæхæццæ кæнын рæстæджы тагъдад фароны азимæ абаргæйæ фæуæлдæр 20%. Тагъдад æмæ лæггæдты хæрзхъæддзинад фæфылдæр кæнын у Уæрæсейы посты стратегийы æууæлтæй иу. Уæрæсейы постæ системæмæ ногдзинæдтæ кæй бахаста, уый руаджы Мæскуыйæ Санкт-Петербургмæ æрвитинæгтæ фæхæццæ вæййынц иу боны ’мгъуыдмæ. Уыимæ ма уый къухы бафтыд, æрвитынмæ ма ног маршруттæ кæй бафтыдтой æмæ сæрмагонд хæдтулгæтæ кæй сног кодтой, уый руаджы. 2018 азы Уæрæсейы постæ самал кодта 107 сæрмагонд вагоны. 2019 азы ма сыл бафтыд ноджы дæр 70 иуæджы. Хæстæгдæр рæстæг ма компани фæнд кæны 2000 ног хæдтулгæйы самал кæнын. Ууыл схардз кæндзысты 3 миллард сомæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv