Уæдæ ма бауæнд!

Бæрнон кусджытæй цæрæнуæтты арæзтады иугонд информацион службæмæ афоныл æмæ, куыд æмбæлы, ахæм фæткмæ гæсгæ бæрæггæнæнтæ чи нæ бахæсса, уыдоны ивар кæндзысты 15-30 мин сомы онг. Домæнтæ халæг аразджыты та фидын бахъæудзæн 50 мин сомæй 200 мин сомы онг. Ахæм фæтк фидаргонд æрцæудзæн октябрæй фæстæмæ. Бæрнон кусджытæй дыккаг хатт закъоны сæрты чи ахиза, уыдонмæ дæр йæ мидбыл ничи бахуддзæн. Сæ дзыпп сын раафтид кæндзысты 40-æй 80 мин сомы онг, арæзтадон куыстуат куы уа, уæд та 200-йæ 400 мин сомы бæрц. Хицауады уæнгтæй йæхи фæндмæ гæсгæ аразынæн бардæттæг гæххæттытæ чи радта, уыдоны куыстæй иуварс кæндзысты иу азæй æртæ азы онг. Æппæт мадзæлттæ дæр конд сты, арæзтадмæ æхца чи бахаста æмæ сайд кæуыл æрцыд, уыцы адæмы бартæ хъахъхъæнынæн. Цæстдарæг оргæнтæн сæ хæс у ахæм цаутæ ма `руадзын. Уыцы хъуыдыйыл хæст у Паддзахадон Думæйы сæрдар Вячеслав Володин дæр. Куыд зæгъы, афтæмæй арæзтадон къабазы закъонхæлдытæ æрцæуынц æбæрнондзинады тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv