Цæгат Ирыстоны дарддæр дæттынц уæлæмхасæн ахуырады сертификаттæ

Нæ республикæйы кусынц ацл къабазы системæйы модернизацийыл. Зæгъæм, ивы финансированийы механизм. Ног фæткмæ гæсгæ алы сывæллонæн дæр, 5 азæй 18 азы кæуыл цæуы, уыдонæн ис бар уæлæмхасæн ахуырады сертификат райсынæн. Сывæллонæн йæ бон уыдзæн цыфæнды секцимæ бацæуын. Уыимæ уæлдай нæу – паддзахадон æви хицæн адæймаджы организаци уа. Йæ ахуырады хæрдзтæ сертификатмæ гæсгæ бафиддзæн паддзахад. Сертификаты фыст вæййы сывæллоны хицæн номыр. Кæнæ ма йæ схонæн ис, паддзахадæй йын лæвар уæлæмхасæн ахуырадæн цы бар лæвæрд цæуы, уый дæр. Бирæтæн сертификат у сæ бинонты бюджетæн зынгæ æххуыс. Уæдæ секцитæ цы уагдæтты сты, уыдон дæр сæ фæрæзтæ алы сывæллоны фæдыл дæр райсынц. Цас фылдæр сабитæ ахуыр кæной сæрмагонд бынаты, уыййас паддзахад фылдæр æрвитдзæн фæрæзтæ организацийы рæзтæн. Зæгъæм, сывæллон æндæр организацимæ куы раива, уæд раздæр кæдæм цыд, уыцы ахуырадон куыстуат йе 'хца фесафдзæн. Уæлæмхасæн ахуырады ног системæйы сæйрагдæр хорздзинад дæр уый у, æмæ сертификатты руаджы сывæллоны æвзæрстмæ гæсгæ сбæрæг вæййы, паддзахадон финансировани кæмæ хаудзæн, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv