Зæрдыл дарынæн

Цæгат Ирыстоны сараздзысты Æппæтадæмон быдырон сгарæн экспедици. 13-æм мартъийæ 13-æм апрелмæ специалисттæ бабæрæг кæндзысты Кировы, Мæздæджы, Рахизфарсы æмæ Горæтгæрон районтæ. Мадзал аразынц Фыдыбæстæйы Стыр хæсты Уæлахизы 75 азы боны кадæн. Экспедицийы архайдзысты Цæгат Ирыстон æмæ Цæгат-Кавказы Федералон зылды сгарæг къордтæ. Уымæй уæлдай ма Мæскуы, Смоленск, Волгоград, Белгород, Курск æмæ Казахстаны сгарджытæ дæр. Экспедици сарæзтой нæ республикæйы мидхъуыддæгты министрад, Уæрæсейы сгарджыты змæлды регионалон хайад, Мæскуыйы æхсæнадон организаци «Поиск» æмæ Смоленскы сгарджыты иугонд «Долг»-ы хъæппæрисæй. Программæмæ гæсгæ арæзт æрцæудзысты практикон ахуыртæ, алыхуызон уроктæ Фыдыбæстæйы Стыр хæсты ветерантимæ. Кадджын мадзалы райдиан уыдзæн 2-æм апрелы мемориалон комплекс «Барбашовы фæз»-ы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv