Цæгат Ирыстоны промышленность æмæ транспорты министрады цы инвестицион проектты конкурс расидтысты

Цæгат Ирыстоны промышленность æмæ транспорты министрады цы инвестицион проектты конкурс расидтысты, уымæн хатдзæгтæ скодтой. Паддзахадон æххуыс райсыны аккаг чи у, уыцы хуыздæр проекттæ равзæрстой. 28-æм октябрæй 25-æм декабры онг бæрнон кусджытæ æркастытсты 10 курдиатмæ. 9 дзы промышленносты къабазы, 1 - та транспорты. Сæрмагонд къамис равзæрста 2 хъæппæрисы. Сæ иу - Электрон тыхдæттæн кусæнгæрзты æмбырдгæнæн. Проекты æрымысæг фæнд кæны æппæты фылдæр цы электрон тыхдæттæн аппараттæ æмæ прибортæ хъæугæ сты, уыдон аразын. Иннæ хъуыды - зынгсирвæзтыты ныхмæ сæрмагонд кусæнгæрзты аразæккаг проект. Уымæ гæсгæ, Цæгат Кавказы æмæ Хуссар Федералон Зылдты ифтонг кæндзысты нырыккон домæнтæн дзуапп чи дæтты, ахæм зынгсирвæзтыты ныхмæ гæрзтæй. Хайдарбек Бутовы ныхæстæм гæсгæ, проекттæн ныртæккæ агурынц æмбæлгæ фæзуаттæ, дарддæр сыл кæм бакусдзысты ахæмтæ. Конкурсы сæйраг хæс уыд промышленносты къабаз сырæзын кæнынмæ, кæнæ та цы проекттæ ныридæгæн кусынц, уыдоны райрæзтыл бакусын. Курдиæттæ чи балæвæрдта, уыдоны проекттæн æнæмæнг хъуамæ уыдаид экономикон-бюджетон бындур æмæ социалон ахадындзинад. Се`руаджы ма хъуамæ арæзт æрцæуой куысты ног бынæттæ дæр. Уымæй уæлдай, проекты иумæйаг инвестициты бæрц 20 милуан сомæй къаддæр хъуамæ ма уа. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv