Куадзæны фестиваль

Гергиты Валерий, Мариинаг театры оркестримæ Уæрæсейы горæтты ратдзæн концерттæ. Æрвылазон куадзæны фестиваль райдайдзæн ацы хуыцаубоны. Фыццаг концерт уыдзæн Мæскуыйы консерваторийы стыр залы. Уый фæстæ сæрмагонд поезд йæ фæндаг акæндзæн Воронеж æмæ Дзæуджыхъæумæ. Фестивалы фæлгæты концерт уыдзæн Цæгат Ирыстоны Паддзахадон филармонийы дæр. Маэстроимæ сценæмæ рацаудзæн йæ фырт, пианист — Гергиты Абысал. Мариинаг театры коллектив фæнд кæны концерттæ Уæрæсейы 30 регионы радтын. Ацæудзысты ма Пекинмæ æмæ Люцернмæ. Уыимæ алы регионы æвдисдзысты алыхуызон концертон программæттæ. Ацы фестивалы зарæггæнджытæ кусдзысты 32 боны. Куадзæны фестивалы рæстæг, Гергиты Валерий аивадуарзджыты базонгæ кæны номдзыд музыканттимæ, Чайковскийы номыл конкурсы лауреаттимæ. Вæййы ма дзы фестивалы алы аз чи архайы, ахæмтæ. Зæгъæм Денис Мацуев. Театрæй куыд хъусын кæнынц, афтæмæй ацы аз сценæмæ рахиздзысты скрипачтæ Кристоф Барати æмæ Павел Милюков. Фестиваль фæуыдзæн фарæстæм майы. 15 азмæ Куадзæнон фестиваль уыд Уæрæсейы æхсай регионы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv