Спортивон хъæбысхæстæй тренировкæтæн сæрмагонд центр фæзындзæн 2020 азы Цæгат Ирыстоны

Спортивон хъæбысхæстæй тренировкæтæн сæрмагонд центр фæзындзæн 2020 азы Цæгат Ирыстоны. Уый тыххæй хъусын кæны республикæйы хицауады пресс-службæ. Цæгатирыстойнаг атлеттæн ног бæстыхай йæ дуæрттæ байтындздзæн иннæ аз. Дыууæуæладзыгон спортивон комплексы уыдзæн цалдæр блокы. Уыдонæй иу уыдзæн спортивон зал трибунæтимæ 400 бынатæн. Дыккаг уæладзыджы дыууæ залы хъæбысæй хæцынæн, уыимæ тренажертимæ æмæ кроссфитæн хицæн залтæ. Центр арæзт æрцæудзæн «Физкультурæ æмæ спорты райрæзт Уæрæсейы 2016-2020 азты» федералон программæйы фæлгæты. Спортивон комплексы арæзтадæн рахай кодтой 229 милуан сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv