Кирилл æмæ Мефодийы бон

Цæгат Ирыстоны сбæрæг кодтой славяйнаг фыссынад æмæ культурæйы бон. Баст у Кирилл æмæ Мефодийы Бонимæ. Дыууæ амидингæнæджы цардысты фарæстæм æнусы. Сарæзтой фыццаг славяйнаг алфавит. Уый сси белорусаг, болгайраг, македойнаг, уырыссаг, сербиаг æмæ украинаг æвзæгты бындур. Бæрæгбоны кадæн Вахтанговы номыл академион театры уыд концерт. Архайдтой дзы республикæйы зындгонд артисттæ æмæ ансамбльтæ. Концерты райдиан æрбацæуджытæн арфæйы ныхæстæ загътой республикæйы парламенты сæрдар Алексей Мачнев, национ ахастдзинæдты фарстаты министр Цуциты Аслан, Дзæуджыхъæуккаг æмæ Алайнаг епископ Леонид. Бæрæгбон саразыныл бацархайдта цæгат-ирыстойнаг æхсæнадон организаци «Русь». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv