Дзæуджыхъæуæй - Алагирмæ фæндагыл хид сцалцæг кодтой

Цæгат Ирыстоны бындуронæй сцалцæг кодтой Дзæуджыхъæуæй - Алагирмæ фæндагыл цы хид ис, уый. Лæууы трассæйы 21-æм километрыл. Федералон фæндæгты управлени «Кавказ» куыд хъусын кæны, афтæмæй хид хæдтулгæтæн байгом кодтой 31-æм июлы. Кусджытæ сфидар кодтой хиды бындуры æнцайæнтæ, баивтой сæ бетонгондтыл. Раивтой хиды æндæр зæронд хæйттæ. Специалисттæ фæндаг æхгæнгæйæ спайда кодтой ног æмбæрзæнтæй. Уый руаджы, хидыл хæдтулгæтæ цæудзысты рогдæрæй, стæй йæ цъар фылдæр рæстæджы фаг суыдзæн. Дыууæфарсон хиды дæргъ Хæтæлдоны районы у 9 метры, йæ уæргъ та 7 метрæй фылдæр. Шофырты æмæ фистæгцæуджыты æдасдзинадæн сарæзтой хиды дыууæ фарсы дæр бырутæ æмæ æнцойгæнæнтæ. Уымæй уæлдай ма, дзы сфидар кодтой фæндаггон нысантæ. Экологон æдасдзинадæн та дзы сæвæрдтой сыгъдæггæнæн системæтæ. Хид дзуапп дæтты ахæм объекттæм цы домæнтæ ис, уыдонæн се`ппæтæн дæр. Бафтаудзыстæм ма уый, æмæ ацы фæндаджы 26-æм километрыл бындуронæй цалцæг кæнынц æндæр хид дæр. Пъланмæ гæсгæ арæзт æрцæудзæн 30-æм сентябрьмæ. Æрвылбон Дзæуджыхъæуæй Алагирмæ фæндагыл цæуы 8 мин хæдтулгæйæ фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv