Цæгат Ирыстоны фыццаг хатт скусдзæн æфсæддон историон лагерь «Страна героев», зæгъгæ

Цæгат Ирыстоны фыццаг хатт скусдзæн æфсæддон-историон лагерь «Страна героев», зæгъгæ. Сараздзысты йæ национ проект «Культура»-йы фæлгæты. Лагерь гом уыдзæн июль æмæ августы. Ахæм уынаффæ рахастой коронавирусы инфекци апарахат ма бауадзыны фæдыл, оперативон штабы æмбырды. Лагерь арæзт уыдзæн хæхты Тæмисчъы сывæллæтты республикон реабилитацион центры. Бацархайæн дзы ис лæвар 12-æй 17 азы онг кæуыл цæуы, уыцы сывæллæттæн. Уый тыххæй курдиат ныууадзын хъæуы «Страна героев» зæгъгæ сайты. Сывæллæттæн бацæттæ кодтой сæрмагонд ахуырадон программæ, хуыздæр базонгæ уыдзысты Уæрæсейы историимæ, уыдзæн дзы социалон проекттæ аразыны курсытæ, уыимæ спорты алы къордтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv