Абон Уæрæсейы æппæт регионты дæр бæрæг кæнынц Олимпаг бон. Цæгат Ирыстоны йæ кадджын уавæры байгом кодтой Дзæуджыхъæуы. Æнæниз цардыуагыл хæст чи у, уыдонмæ расидт нæ республикæйы физкультурæ æмæ спорты министр Кочиты Сослан. Уый арфæйы ныхæстæ ракодта уазджытæн, архайджытæн та бабар кодта ерысты раст тох кæнын æмæ олимпаг зæрдахастыл ӕнувыд уæвын. 1500 адæймагæй фылдæр бацархайдзысты турнирты волейбол, бадминтон, стрит-болл, мини-футбол æмæ уæгъдибар хъæбысхæстæй. Алкæмæн дæр ма йæ бон у дугъы ауайын, стæй фæллой æмæ хъахъхъæнынадмæ цæттæдзинады домæнтæ дæр сæххæст кæнын.