10 европæйаг саджы ауагътой Цæгат Ирыстоны паддзахадон цуанæтты хæдзарады

10 европæйаг саджы ауагътой Цæгат Ирыстоны паддзахадон цуанæтты хæдзарады. Хъæддаг цæрæгойтæн сарæзтой æппæт уавæртæ дæр. Цалдæр мæйы фæстæ сырдты ауаддзысты хъæдмæ. Цæгат Ирыстоны æрдзон æвæрæнтæ æмæ экологийы министрады кусджыты ныхæстæм гæсгæ, цуанæтты хæдзарады ныридæгæн тезгъо кæнынц дæсгай сагтæ. Уый размæ сæ сластой Ростовы облæстæй. Иуæй-иу сагтæн ма лæппынтæ дæр фæзынд. Сыкъаджынты дарынц æрдзмæ хæстæг уавæрты. Специалистты ныхæстæм гæсгæ, ацы хуызы сагтæ ахст уавæрты дарæн нæй. Гæнæн ис æмæ ма фæцæрой.  Æрæджы дæр ма нæ республикæйы хъæдты сагтæ иу минæй фылдæр уыдысты. Сæ нымæц фæкъаддæр 90-æм азты. Ныр специалисттæ сæ зæрдæ дарынц, Ирыстоны та «хъæды фидауц» кæй апарахат уыдзæн, уымæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv