Куыстадон фидæн

Январы кæрон Дзæуджыхъæумæ цалцæг кæнынмæ сæрвитдзысты «Камазты» фыццаг къорд. Араздзысты сæ «Бином»-ы цехты. Уый тыххæй республикæйы сæргълæууæгæн фехъусын кодта Цæгат Ирыстоны промышленность æмæ транспорты министр Хайдарбек Бутов. Министры ныхæстæм гæсгæ, «Бином» сабыргай ифтонг кæнынц ног кусæнгæрзтæй. Уадзынц дзы рухсдæттæн продукци. Æмгуыстад кæнынц Тольяттийаг «Луч»-имæ. Фыццаг рухсдæттæг прибортæ сцæттæ уыдзысты январы кæрон. Фæзындзæн дзы 150 куысты бынаты. Битарты Вячеслав куыд фæбæрæг кодта, афтæмæй инвестортæн хъæуы сæ куысты æххуыс кæнын. Уымæй уæлдай ма, республикæйы сæргълæууæджы ныхæстæм гæсгæ, æргом аздахын хъæуы Алагиры радиоозаводмæ дæр. Куыста дзы мин адæймаджы. Æмæ ахæм завод ныххæлæццаг уа, уый хорз хъуыддаг нæу. Республикæйы разамынд уыцы фарстайыл кусы. «Паддзахадон корпораци «Ростех»-имæ дæр хъæуы æнæрлæугæйæ æмгуыст кæнын» - фæнысан кодта Битарты Вячеслав. Стæй ма рахаста завод «Электроцинчы» фарстайы фæдыл кусæг къорд саразыны хъæппæрис дæр. Йæ сæргълæууæг уыдзæн Икъаты Русланбег, йæ хæдивæг та - Хайдарбек Бутов. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv