Æфсæнвæндаджы инфраструктурæ Минераловодскы регионы рапарахат æмæ баивынмæ рахай кæндзысты 1,7 млрд

Цæгат Кавказы æфсæнвæндаджы филиал 2020 азы рахай кæндзæн 1 миллиард æмæ 700 милуан сомы Минераловодскы регионы æфсæнвæндаджы инфраструктурæ баивын æмæ рапарахат кæнынмæ. Уый, фаронимæ абаргæйæ, у иу æмæ æрдæг хатты фылдæр. Минераловодскы регионмæ хауынц Уæрæсейы 6 регионы – се`хсæн Цæгат Ирыстон. Уыцы фæрæзтæ хардзгонд æрцæудзысты фæндæгтæ сцалцæг кæныныл æмæ æвсæнвæндаджы автоматикæ сифтонг кæнынæн. Уый тыххæй хъусын кæны Цæгат Кавказы æфсæнвæндаджы хицауы хæстæ æххæстгæнæг Дмитрий Лукьяненков. Хъусдард цæудзæн бæлццæтты комплекс банывыл кæныныл. Пятигорск æмæ Минводы ацы аз скæндзысты зæххы бын ацæуыны фæндаг, рухс æмæ зæлы уылæнтыл. Уымæй уæлдай сцалцæг кæндзысты 3 æвсæнвæндаджы, сты Пятигорскы, Бештау - Лермонтовский æмæ Ессентуки фæзуæтты. Бындуронæй сцалцæг кæндзысты иуфæндаггон фæзуат. Фарон æххæстгонд æрцыдысты проекттæ, инфраструктурон арæнæвæрд кæуыл нæй, ахæмтæ: цалцæггонд æрцыдысты æфсæнвæндæгтæ станцæтæ æмæ фæзуæтты. Бындуронæй сцалцæг кодтой Дзæуджыхъæуы сывæллæтты æфсæнвæндаг. 2019 азы куыст цыд æфсæнвæндæгты цыды хъахъхъæнынадыл дæр. Бафтаудзыстæм ма уый æмæ Минераловодскы регионы эксплуатацион дæргъ у 1215 км. Хауынц æм локомотивон æмæ вагæтты депотæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv